ટૅગ્સ
10ml Love, Bollywood, Dabangg 2, I am 24, Inkaar, Monthly Reviews, Raghu romeo, Son of Sardaar, Straight, Trailer of Listen Amaya
પુસ્તકો તો હજી બાકી જ છે , પણ વચ્ચે થોડું રીફ્રેશમેન્ટ થઇ જાય તો કાઈ વાંધો નહિ કેમ 😉 . . . અને સાથે સાથે , મારોય ભરાવો થોડો ઓછો થાય [ અરે ડ્રાફ્ટ એરીયામાંથી 😉 ] . . . તો કરો કંકુના 🙂
– – – – – – – – – – – – – – – – – – – – – – – – – – – – – – – – – – – – – – – – – –
Our Side { Bollywood } :
– – – – – – – – – – – – – – – – – – – – – – – – – – – – – – – – – – – – – – – – – –
1} Son of Sardaar , 2012
હજી , ફેસ્ટીવ સિઝનમાં આવા ઘનચક્કર વિષય પર મુવીઝ બને છે અને રીલીઝ થાય છે . . . અને પાછી , આવી જ બીજી વાહિયાત ફિલ્મ બની શકે તેટલો નફો પણ રળી લ્યે છે 😀 . . . કોમિક ટાઈમિંગમાં , બે અત્યંત વાહિયાત અને છાપેલ કાટલાં જેવા એક્ટર્સ . . . એટલે અજય અને સંજય 😉 . . . . શરૂઆતનો જ પાઘડીની ફાઈટવાળો સીન જ ભયંકર બકવાસ હતો ❗ . . . હા , હવે ધીરે ધીરે , ” વિન્દુ ” જેવા દિગ્ગજ કલાકારને “સન્માનનીય” રોલ્સ { 😉 + 😀 } મળવા લાગ્યા છે [ બીગ બોસની સાઈડ ઈફેક્ટ ! ] . . . બોગસ કન્સેપ્ટ + બોગસ દિગ્દર્શન + બીજી વાર તો શું પહેલી વાર પણ સીટી ન વાગે એવા બોગસ ડાયલોગ્સ = અક્ષય કુમારની દિશામાં જતો અજય દેવગન 😉 . . .અને સંજય અને અજયરૂપી મોટા ફોડ્વાઓ થોડા સીધે સીધા ગળે ઉતરે ? . . . એટલે ‘સોનાક્ષી‘રૂપી વઘાર કરવો પડ્યો
[ પણ , બાપ રે ! પેલા ” રાની તું મેં રાજા ” વાળા ગીતમાં લાલ સાડીમાં કેવી ભયાનક લાગે છે . . . જાણે કે હમણાં જ સૃષ્ટિનો વિનાશ કરી નાખશે 😀 ] , અરે , હાં પેલો ” ટ્રીન ટ્રીન ” કરતો છોકરો મસ્ત હતો 😆 { અને , તનુજાનું અહી શું રોલ હતો ? કાઈ કામ ધંધા નહિ હોય એટલે આવું કરવાનું 😉 અરે , હાં એ તો અજયની સાસુ થાય ❗ } અને ઉભા રહો , એક મિનીટ . . . પેલું , સંજય દતે શું જીથરા ભાભા જેવા વેશ કાઢ્યા હતા ? કાઈ ખબર પડી ? પડે તો ટોલ ફ્રિ નંબર પર ફોન કરજો 😉
[ બાય ધ વે : પેલો ઘોડો કે જે “સંજય દતથી” ભરેલી જીપ ઠેકી ગયો હતો . . . એ હવે માનસિક આઘાતમાંથી બહાર આવી ગયો છે ❗ અને હવે આવા ગધેડાઓથી દુર રહેવા માંગે છે 😀 ]
ક્યાં જોયું અને કેમ ? : સાઢે ઘર વિચ દેખ્યા સી / ટાઈમને થોડો નાપાસ કરાય ! માટે ટાઈમને પાસ કરી દીધો 😉
Verdict : [ 😦 ] < 😐 < 🙂 < 😎 < 😀 < 😆 ,
પો પો પોપો પો . . પો પોપો પો { બસ , હવે આવું જ કરવાનું ? 😀 એ તો હું ઘરે ય કરું જ છું 🙂
– – – – – – – – – – – – – – – – – – – – – – – – – – – – – – – – – – – – – – – – – –
2} Straight , 2009
ઓકે , અહીંયા છે . . . વિનય પાઠક , ગુલ પનાગ અને હિન્દી ફિલ્મો માટે એક નવો ટોપિક [ 2009ની વાત છે ] . . . કે કન્ફયુઝ હોવું એ શરમની વાત છે ? . . . અસમાન્ય હોવું એ અસામાન્ય ઘટના છે ?. . . અને ‘ ગે ‘ હોવું એ શરમજનક છે ? . . . તો સ્ટોરીમાં , પીનું પટેલ [ વિનય પાઠક ] , એક સાવ ગરીબ ગાય જેવો અને હર હંમેશ મુન્ઝ્વાયેલો બંદો છે ! . . . અને એક વાર , ભારતમાં તેના લગ્ન સમયે જ તેની દુલ્હન તેને છોડીને ભાગી જાય છે . . . . અને ત્યારથી તે સતત એક સ્ટેપ પાછળ રહેવા લાગે છે અને એક પ્રકારની લઘુતાગ્રંથીથી પીડાવા માંડે છે . . અને , એક તબક્કે તો કોઈ છોકરી તેના પ્રત્યે આકર્ષાતી ન હોવાથી અથવા તો જે કોઈ આકર્ષાય તે તેના પૈસાથી જ મતલબ રાખતી હોય , ઘડીક તો તે ખુદને ‘ ગે ‘ માનવા માંડે છે અને ખુદે જ ઉભા કરેલા આ કાલ્પનિક ડરને કારણે અજબ ગજબ છબરડા વાળે છે ! . . . .
સ્ટોરી બોલીવુડ માટે થોડીક હટકે છે અને પાછી તે પણ બનાવાઈ છે , એક સ્ત્રી દિગ્દર્શક ” પાર્વતી બાલાગોપાલન ” દ્વારા [ યાદ છે રૂલ્સ : પ્યાર ક સુપરહિટ ફોર્મ્યુલા ? ] . . . હાં , તેમણે એક વણછેડાયેલો ટોપિક ઉપાડ્યો છે કે જે ખુબ જ વ્યવસ્થિત વિચારણા માંગી લે તેવો છે કે લોકો કેવા કેવા માનસિક ભય ઉભા કરી દે છે કે જેના માટે તેને કોઈ સાચી સલાહ આપવા વાળું પણ નથી અને ચારેબાજુ ઊંટવૈદો રૂપી સલાહકારો જ ઉભરાયા કરે છે કે જે તેને વધુ ને વધુ તેમાં ધકેલ્યા જ કરે છે ! . . . વધુ નહિ કહું , તમે જાતે જ જોઈ લ્યો . . .
સહકલાકારોમાં , સિદ્ધાર્થ મકર [ રજત ] અને ગુલ પનાગનું [ રેણું ] કામ સારું છે , પણ ફિલ્મ સરવાળે ખુબ જ શુષ્ક ટ્રીટમેન્ટ પામેલી લાગે છે અને ઘણીવાર ખુબ ધીમી પડી ગયેલ લાગે છે 😦 . . . કે પછી , વાસ્તવિક જિંદગી આવી જ હશે ? કે પછી આપણે જ તેને તેવી બનાવી દિધી હશે ? . . .
ફિલ્મનો એક સંવાદ ખુબ જ મસ્ત છે કે એક વાર કહી દો કે ” I refuse to live without LOVE “. . પછી જોજો , તમારી જીંદગીમાં કશું જ ખરાબ નહિ થાય 🙂
ક્યાં જોયું અને કેમ ? : સ્ટ્રેઈટ “ઘરે” થી જ / ગુલ + વિનય પાઠક 🙂
Verdict : 😦 < 😐 < [ 🙂 ] < 😎 < 😀 < 😆 ,
ક્યારેય કોઈને ઈમેઈલ ન કરવા ! . . ” ઈમેઈલ “મતલબ ઇમોશનલ બ્લેકમેઈલ 🙂 [ ફિલ્મનો એક સંવાદ ]
– – – – – – – – – – – – – – – – – – – – – – – – – – – – – – – – – – – – – – – – – –
3} I Am 24 , 2010
બે સ્ટ્રગલર્સ . . . એક સાચો અને પ્રમાણિક લેખક [ 42 વર્ષ – રજત કપૂર ] અને બીજો મસ્તીખોર અને ઉડાઉ એક્ટર (!) [ 25 થી 30 વર્ષની આસપાસ – રણવીર શૌરી ] . . . . મોટાભાગે તો રણવીર , રજતના પૈસાથી જ મોજ ઉડાવતો હોય છે અને લટકામાં તેને ધમકાવતો પણ હોય છે . . .પણ હોય છે સાચો દોસ્ત 🙂 . . . હર હંમેશની નિષ્ફળતાઓ અને ધીમે ધીમે હાથમાંથી સરકતી ઉંમર અને ઉપરથી ઘટતા જતા વાળથી હેરાન , ” રજત ” એક દિવસ અચાનક જ મળેલી ચેટ ફેન્ડ
[ મંજરી ફડનીસ – ખંજરી જેવો અવાજ અને મંજરી જેવું અદભુત નામવાળી , મસ્ત પરી 🙂 ] ને જુઠ્ઠું બોલી બેસે છે કે , તે એક સફળ અને પ્રતિભાશાળી 24 વર્ષનો લેખક છે અને પોતાના માથે વાળથી લહેરાતું “કાળું”છમ ખેતર છે 😉 [ પુરુષોના જીવથી વ્હાલા વાળ જયારે જવાની તૈયારી થાય છે , ત્યારે તેને કન્યાવિદાય જેટલું જ દુખ થતું હોય છે 😉 ] . . .અને ધીમે ધીમે આ ચેટીંગથી શરુ થયેલ દોસ્તી , એકપક્ષીય પ્રેમ અને સરવાળે એક + એકપક્ષીય પ્રેમમાં ફેરવાતી જાય છે , અને એક દિવસે મંજરી તેને કહે છે કે તે મુંબઈ આવે છે અને શરુ થાય છે . . . મસ્તી + ભૂલ + નબળાઈ અને જુઠ્ઠાણાથી ભરપુર સફર 🙂 . . . . .
ફિલ્મની શરૂઆતની 15 મિનીટ એકદમ જીવંત છે . . . ફિલ્મની ખરી જાન તો નહિ મંજરી કે નહિ રજત કપૂર , પણ . . . ઝક્કાસ એક્ટિંગ કરતો ” રણવીર શૌરી ” છે . . . ઘડીક તો તે તમને ઈરીટેટ કરી નાખશે અથવા તો મોજ પાડી દેશે 🙂 . . . નેહા ધૂપિયા પણ રણવીર શૌરીની ગર્લફ્રેન્ડનાં રોલમાં પ્રાણ ફૂંકી જાય છે [ બાય ધ વે , ” પ્રાણ ” સાહેબ તો નાઈન્ટીઝમાં રાચે છે . . . આટ આટલા ફૂંકાયા બાદ , પણ 😉 < મારા પ્રિય અભિનેતા 🙂 ] . . . અને , ભયાનક પતિ-પત્નીનાં રોલ્સમાં સૌરભ શુક્લા [ મારા બીજા પ્રિય અભિનેતા ! ] અને લીલેટ દુબે , તો બસ મોજે મોજ છે 🙂 . . . . છતાં પણ જે રીતે શરૂઆત હતી , તેટલી મોજ છેલ્લે સુધી જાળવી નથી શક્યા . . . પણ , સરવાળે એક માણવાલાયક મસ્ત મુવી છે 🙂
ક્યાં જોયું અને કેમ ? : એકમાત્ર ઘર / સૌરભ + રણવીર શૌરી + મંજરી 🙂
Verdict : 😦 < 😐 < [ 🙂 ] < 😎 < 😀 < 😆 ,
મસ્તકના વાળમાંથી પસાર થતા હવાની લહેરખીઓનું સુખ તો યોગીઓને પણ દુર્લભ હોય છે 😀 { તેમના , કેસમાં દાઢીનો ઉલ્લેખ કરી શકાય 😉 }
– – – – – – – – – – – – – – – – – – – – – – – – – – – – – – – – – – – – – – – – – –
4} Raghu Romeo , 2003
રઘુ [ વિજય રાઝ – Secret to Win 😉 ] , એક બારમાં વેઈટર હોય છે અને એકદમ ભોળો અને વ્યવહારિક ભાષામાં કહીએ તો એકદમ ડોબો હતો ❗ . . . તેને કશાની લાલચ ન હતી . . . ન બારમાં નાચતી બારબાળાઓ તરફ તે નજર સુધ્ધા નાખતો કે ન જ્યાં ને ત્યાં પૈસા માટે દોડાદોડી કરતો . . . તેને તો બસ એક જ લગાવ હતો / શોખ હતો / ધ્યેય હતું , કહો કે ગાંડપણ હતું અને તે હતું . . . પ્રસિદ્ધ ટીવી સીરીયલની એક્ટ્રેસ ” નીતાજી “ની સીરીયલ જોવી . . . તેના સુખે સુખી થવું અને તેના દુખે દુખી થવું . . . તે પડદા પરની ગાથાથી એ હદે પ્રભાવિત હતો કે તે નીતાજીના પાત્રને સાચુ માની બેઠો અને તેને જ પોતાના મનમંદિરમાં સ્થાન આપી દીધું 😉 . . પણ એક દિવસ બારની નોકરી છૂટી જતા . . . તેને મજબુરીથી એક પ્રખ્યાત શુટર [ સૌરભ શુક્લા ]ને ત્યાં ડ્રાઈવરની નોકરી કરવી પડે છે અને ત્યાં અચાનક એક દિવસ ખબર પડે છે કે તે શુટર જ નીતાજીની પાછળ પડ્યો હોય છે , તેમને મારી નાખવા માટે !!! . . . હવે , રઘુ શું કરે છે , નીતાજીને બચાવવા માટે . . . રઘુની પાછળ પાગલ , બારની જ એક બારગર્લ [ સાદિયા સિદ્દીકી – Surprisingly CHARMING 🙂 ] રઘુને પાછો મેળવવા શું કરે છે ? . . . અને , આ બારગર્લની જ પાછળ પાગલ પાછો પેલો શુટર હોય છે 🙂 .
રજત કપૂર , દિગ્દર્શિત આ ફિલ્મમાં તમને કોઈ એવા જાણીતા ચહેરાઓ નહિ મળે પણ હાં , એવા ચહેરાઓ જરૂર મળશે કે જેને જોઇને દિલ ગાર્ડન ગાર્ડન થઇ જાશે 🙂 . . . વિજય રાઝ , આખી ફિલ્મને એકલપંડે ઊંચકીને ફરે છે . . . સૌરભ શુક્લાની મજા જ કાઈ ઓર છે . . . અને , સાદિયા સિદ્દીક્કી તો બસ એકદમ વહ્યે જ જાય છે અને પેલી નીતાજીના રોલમાં , મારિયા ગોરેટી [ અર્શદ વારસીની વારસદાર 😉 મતલબ કે , પત્ની ] તો બસ , સુપર્બ સનકીવેડા કરે છે 🙂 . . . ઓવરઓલ , ફિલ્મ એકદમ હટકે છે અને આ ફિલ્મથી , વિજય રાઝની ફિલ્મ ઇન્ડસ્ટ્રીમાં ઘણી નોંધ લેવાઈ હતી , જોકે ત્યારબાદ તેને કોઈ એવા ખાસ મજબુત રોલ નહોતા મળ્યા 😦 . . પણ , હજી પણ પડદા પર તેની હાજરી એક કરંટ ભરી દે છે . . . . એમાં પણ , પડદા પર નીતાજી જયારે મરી જાય છે , ત્યારે રઘુ જે પોક મુકીને રડે છે . . . એ તો બસ જોવા જેવું દ્રશ્ય હતું 😆 . . . ચૂકવા જેવી મુવી નથી , બસ જોઈ જ નાખો 🙂
ક્યાં જોયું અને કેમ ? : ઘરનો રોમીઓ / માત્ર ને માત્ર , વિજય રાઝ . . . નહિ બીજો કોઈ રાઝ 🙂
Verdict : 😦 < 😐 < 🙂 < 😎 < [ 😀 ] < 😆 ,
આપણા બધામાં એક રઘુ રોમિયો ધરબાયેલો પડ્યો હોય છે . . . જરૂર છે માત્ર ‘નીતાજી‘ની આવવાની અને “પિતાજી” ની બીક જવા‘ની 😀
– – – – – – – – – – – – – – – – – – – – – – – – – – – – – – – – – – – – – – – – – –
5} Dabangg 2 , 2012
જે લોકોને દબંગનો પહેલો ભાગ ગમ્યો , તેમને બીજો કેમ ન ગમ્યો ! એ ખબર નથી 🙂 . . . પણ મારું એથી ઉલટું છે , મને પહેલી જ નજરે દબંગનો પહેલો ભાગ નહોતો ગમ્યો [ હાં , પણ Repeat Viewing માં પહેલો ભાગ સારો એવો ટાઈમપાસ કરાવે છે 🙂 ] અને તેનો બીજો ભાગ પહેલી જ નજરે ગમી ગયો ❗ . . હાં , એ વાત સાચી છે કે ફ્રેમ ટુ ફ્રેમ . . . આ સિકવલ . . . પ્રીક્વલની નકલ કહી શકાય [ બધા જ ગીતો પણ , એ જ પેટર્નમાં મુકાયા છે ! ] . . . પણ , આ વખતની દબંગ 2ની મસ્તી અને મોજથી ભરેલી ભરાવદાર (!) સાઈડ મને ગમી હો 😉 . . . . . એટલીસ્ટ ઈન્ટરવલ સુધી તો મોજે મોજ જ હતી 😀 . . . જે રીતે સલમાન તેના બાપને હેરાન કરે છે , ‘આસમા‘ના નામે 😆 કે પછી નાની નાની મોમેન્ટસ , પેલી પાછળથી ચશ્માં લેવાની [ સોનાક્ષીમાં થી સલમાન તરફ ! ] કે પછી પેલી ” ચાર સીટી વાળી ક્ષણ 🙂 ” . . . કે પછી , દેશ ડેથ-બેડ પર છે અને તેની બંને કીડની ખલાસ થવા આવી છે 🙂 . . . ઉપરાંત , બચ્ચા અને ચુલબુલ પ્રથમવાર આમનેસામને આવે છે ત્યારે ચુલબુલ જે રીતે બચ્ચાની બધી જ વિગતો ડીકલેર કરે છે , એ 😉 . . . અને મુવીના સ્ટ્રોંગ દ્રશ્યમાં તો . . . પેલા ગેન્દાની ડોક . . . જે રીતે , ચુલબુલ 180 ડીગ્રીમાં . . ! [ એવું નથી લાગતું કે બધા મફતિયાઓ સાથે આવું જ થવું જોઈએ ! . . . આ મારો મત છે અને તે પવિત્ર છે 😉 ] . . . પણ જ્યાં , ઈન્ટરવલ પહેલા આટલી મોજ છે ત્યાં ઈન્ટરવલ બાદ એકદમ જાણે હવા નીકળી જાય છે . . . ” માહી ગીલ “વાળો એકદમ બોગસ કેમિયો છે અને ક્લાયમેક્ષ એકદમ ઢીલોઢફ છે અને વિલન પણ [ પ્રકાશ રાજ ] 😦 . . . પેલું થાના મેં ઓન ડ્યુટી અને પેલું ફરી દુબઈવાળું ગીત ન હોત પણ ચાલેત ! . . .
પણ હાં , રાહત ફતેહઅલી ખાનનાં સ્વરમાં ” દગાબાઝ રે ” બસ અદભુત છે [ જોયું , ‘બાઝ‘ના કેવા કેવા પ્રકાર હોય છે 😉 ] અને છેલ્લે મને તો “સોનાક્ષી ” ગમે છે , એ તમારી જાણ ખાતર . . ફરીથી 🙂 🙂 , { મગજ પર ચરબી હોય , તેના કરતા શરીર પર ચરબી હોય તે વધુ સારું 😉 [ ‘તાવ‘માં કામ આવે 😀 ] }
ક્યાં જોયું અને કેમ ? : ઘર 2 / Crash course for Brain Refreshment 😀
Verdict : 😦 < 😐 < [ 🙂 ] < 😎 < 😀 < 😆 ,
વક્ત તુમ્હારા ખરાબ આયા હૈ , ઓર દિન હમ ગીને . . .
{ જો નરેશ કનોડિયા હોત તો , ગુજરાતીમાં પાછળથી “ડોબા” ઉમેર્યું હોત 😉 , અને સ્નેહલતા હોત તો , ” મારા રોયા ” 😀 }
– – – – – – – – – – – – – – – – – – – – – – – – – – – – – – – – – – – – – – – – – –
6} 10ml LOVE , 2010
એક ભેરવાયેલી અને નાનકડા મેજિક ઉર્ફે જાદુથી સંમોહિત થયેલ લવ – સ્ટોરી . . . એટલે માત્ર 10 મિલીલીટર લવ 😉 . . . શ્વેતા [ તારા શર્મા ] કે જે એક ધનાઢય બાપની એકમાત્ર દીકરી હોય છે અને પીટર મીકેનીકને [ નિલ ભુપલમ ] પ્રેમ કરે છે . . . પીટર પાછો એકદમ બીકણ અને અતિ ધાર્મિક હોય છે ❗ . . . શ્વેતાને જ પાછો તેનો સ્કુલ-ટાઈમનો મિત્ર એકપક્ષીય પ્રેમ કરતો હોય છે , નીલ [ પૂરબ કોહલી ] અને તેણે , પારિવારિક લાગવગ લગાડીને શ્વેતા સાથે પરાણે બંધ-બેસતું કર્યું હોય છે 😉 . . . પાછો , પોતે કેટલાય સમયથી , તેની જ બીજી સ્કુલ સમયની મિત્ર , મીની [ કોયલ પૂરી ] સાથે લીવ-ઇન રીલેશનમાં રહેતો હોય છે અને નાની – મોટી કેટલીય વસ્તુઓ માટે તેણી પર આધારિત હોય છે . . . પણ , પરણવું હોય છે , માત્ર ક્લાસની જ એ પરી , શ્વેતાને !!! . . .બીજી તરફ , એક શંકાશીલ દેશી નુસ્ખાઓ બનાવતો હકીમ , ગાલીબ [ રજત કપૂર ] તેની જ પત્ની પર સતત શક કર્યે રાખે છે અને તેની પત્ની , રોશની [ ટીસ્કા ચોપરા ] પણ જાણે – અજાણે શંકાની આગને હવા દીધે રાખે છે ( તેના ભોળપણને લીધે જ સ્તો 😉 ) . . . અને આ બધો ઝમેલો ભેગો થાય છે ; શ્વેતા અને નિલનાં પરાણે ગોઠવાતા લગ્નમાં . . . અને ત્યાં પાછા , જે લોકો રસોઈ કરવા આવેલા હતા . . . તે લોકોનો પણ કઈક અલગ જ ઝમેલો હતો . . . ” રામલીલા ભજવવાનો અને તેમાં કોને ફાળે કયું પાત્ર આવે , તેની લમણાઝીંક કરવાનું ! ”
હવે , ગાલીબની માં [ સરિતા જોશી ] , તેને એક જાદુઈ પ્રવાહી આપે છે અને કહે છે કે પીવડાવી દે આ . . . તારી બીવીને . . . અને પછી , તેણી જેની તરફ સૌથી પહેલા જોઇશે . . તેના પ્રત્યે તેને પ્રેમ થઇ જશે . . . ગાલીબ નીકળી પડે છે , પોતાની બીવીને પોતાના જ પ્રેમમાં પાડવા . . . કે જ્યાં , તેણી પેલા લગ્નમાં મહેંદી મુકવા ગઈ હતી 😉 . . . અને શરુ થાય છે , 10 મિલીલીટર લવ ભરેલી શીશીનો જાદુ 😀 અને ધમાચકડી 🙂
નાના નાના અને મોટા મોટા 😉 ઘણા એવા કલાકારોથી આ ફિલ્મ ભરેલી છે કે જેમને એકસાથે જોવાનો લ્હાવો ચૂકવા જેવો નથી ! . . . અને મેદાન મારી જાય છે , કોયલ પૂરી . . .તારા શર્મા અને મનુ રિશી [ કે જેને કોઈ સારો રોલ નથી આપતા , રામલીલામાં 😉 ] . . . હાં , ક્લાયમેક્ષ ફિલ્મની સરખામણીએ થોડોક ઢીલો છે પણ એવું તો ચાલ્યા કરે 😉
અને છેલ્લે , આ ફિલ્મ , A Midsummer Night’s Dream નામની શેકસપિયરની નોવેલ પરથી પ્રેરણા પામેલી છે .
ક્યાં જોયું અને કેમ ? : 1 લીટર ઘર ❗ / ગમતા કલાકારોનો શંભુમેળો 🙂
Verdict : 😦 < 😐 < 🙂 < [ 😎 ] < 😀 < 😆 ,
અરે આ તો તોતડો છે ! . . . આને શું કામ રામનું પાત્ર આપો છો ? . . . કારણકે તેણે કઈ બોલવાનું નથી , માત્ર હસવાનું જ છે 🙂 [ ફિલ્મનો એક સંવાદ ]
– – – – – – – – – – – – – – – – – – – – – – – – – – – – – – – – – – – – – – – – – –
7} Inkaar , 2013
સ્ટોરી તો આપ સૌ જાણતા જ હશો કે , એડ-વર્લ્ડનાં બે મહારથીઓની આ ટકરામણ છે . . . સન્માન , પદ , એટીટયુડ અને સત્તા માટે . . . માયા [ ચિત્રાંગદા ] , તેના જ ભૂતપૂર્વ બોસ / મેન્ટોર / ઓલમોસ્ટ પ્રેમી / ફ્રેન્ડ ફિલોસોફર કમ ગાઈડ રાહુલ [ અર્જુન રામપાલ ] પર જાતીય સતામણીનો કેસ કરી દે છે અને એડ-એજન્સીમાં ખળભળાટ મચી જાય છે . . આ વાત બહાર ન જાય તે માટે અંદરખાને બહુ પ્રયત્ન થાય છે , પણ છેવટે નિવેડો ન આવતા ઓફિસની જ એક જ્યુરી રચાય છે અને તેનો ફેંસલો અને બંને પક્ષની વાત જાણવા અને ચુકાદો આપવા આવે છે , એક સમાજસેવિકા મિસિસ કામદાર [ દીપ્તિ નવલ ]
અને શરુ થાય છે , બંને પક્ષોની કરમ – કહાણી તેમની જ જુબાનીમાં અને એ પણ અલગ અલગ દ્રષ્ટિકોણથી . . . માયા અને રાહુલ બંને પોતપોતાના નજરિયાઓ પર અડગ છે અને તેમનો જ કક્કો સાચો ઠેરવ્યા રાખે છે . . . જેમને ધીમે ધીમે ઉખેળતા અને ધીરજની કસોટી કરી નાખે તેવા ડ્રામામાં રસ હોય તેઓ માટે જ આ ફિલ્મ છે ❗ કારણકે એક વાત તો સ્પષ્ટ છે જ કે આ કોઈ હાઈ – વોલ્ટેજ સેક્સ્યુઅલ સ્ટોરી નથી કે નથી કોઈ હાર્ડકોર થ્રીલર :। . . . સાચું શું છે , એ વાત પારખવામાં ઘડીક તો મીસીસ કામદાર પણ થાપ ખાઈ જાય છે . . . અડધી ઓફીસ એમ કહે છે કે કોઈ સ્ત્રી આવો આરોપ કરે તો તે સાચું જ હોય અને અડધી ઓફીસ એવું કહે છે કે રાહુલ કદી એવું કરી જ ન શકે . . . શું પુરુષને પણ કોઈ ઈજ્જત ન હોઈ શકે ? આ તો ગમે તે આરોપ નાખી દે , એટલે શું તે આરોપી થઇ ગયો ?? . . . અલગ અલગ સત્યો રજુ કરતી આવા ડ્રામા માટે ” અકીરા કુરુસોવાની રશોમોન ” પરથી આવી રજુઆતો અથવા તો સત્યોને હવે ” રશોમોન ઈફેક્ટ ” કહેવાય છે . . .
અર્જુન અને ચિત્રાંગદા , આ બે પાત્રો જ તમને ફિલ્મ સાથે જોડવા માટે બસ છે [ અર્જુન રામપાલનો અભિનય ખાસ્સો ઉંચે આવ્યો છે , સુધીર મિશ્રાની છાંયામાં અને ચિત્રાંગદા તો છે જ , કાં તો પ્રકાશ પાથરશે અથવા તો કરંટ આપશે :)]. . . બાકી બધા પાત્રો સારો એવો ટેકો પૂરો પાડે છે અને સુધીર મિશ્રાનું સ્ટોરી-ટેલીંગ તમને તેની સાથે જોડાઈ રહેવા માટે ચોંટાડી રાખશે . . . રાહુલ અને તેના પિતાને ફ્લેશબેકમાં લઇ જતા દ્રશ્યો ઘણાને મતે બિનજરૂરી લાગ્યા પણ , મને તેમાં આ આખી મથામણ શાને રચાઈ તેનું બીજ રોપાયું એવું લાગ્યું ! વળી પાછું , કલાયમેક્ષ મને સારો લાગ્યો કારણકે કે છેવટે સ્ટોરીની અથવા તો જિંદગીના અંતમાં કઈક તો થવું જોઈએ અને પાત્રોને તેમની દિશા મળવી જ જોઈએ . . . 🙂
અસહજતા , લાલસાઓ , મહત્વકાંક્ષા , ભય , પ્રેમ , નિષ્ફળતા , અહંકાર અને ભૂલોને . . સરસ માનવીય અંદાજમાં રજુ કરું આ સુંદર ગીત 🙂
યે જીંદગી કા કારવા , યે હસરતે ભી બેશુમાર
ખુદકે ગુરુર પર હો સવાર , ખુદ સે હી અપની જીત – હાર
ખુદ હી ખડે હે ખુદ કે ખિલાફ ખુદ કશ્તી હે ખુદ હી સૈલાબ
ખુદ હે સવાલ , ખુદ હી જવાબ . . . તુફાનોમે બનકે ચિરાગ , ખુદ જલતે જા રહે હે !
ક્યાં જોયું અને કેમ ? : થીયેટરમાં ઇનકાર કર્યો , માટે ઘરમાં 🙂 / સુધીર મિશ્રા + હાથમાં ગદાનું ચિત્ર લઈને ઉભેલી ચિત્રાંગદા 😉
Verdict : 😦 < 😐 < 🙂 < [ 😎 ] < 😀 < 😆 ,
પ્રેમ અથવા તો લગ્નજીવનમાં જાણે-અજાણે કોઈ એક પાત્ર તો ઉપરવટ હોય જ છે . . . અને જ્યાં બંને , એકબીજાના માથાના અથવા તો સર્જનાત્મક નીકળ્યા , ત્યાં . . . ઇનકાર સંભવિત છે ❗
– – – – – – – – – – – – – – – – – – – – – – – – – – – – – – – – – – – – – – – – – –
Winner : Raghu Romeo Pleasant Watch : 10ml LOVE
Looser : Son of Sardaar
– – – – – – – – – – – – – – – – – – – – – – – – – – – – – – – – – – – – – – – – – –
લટકામાં . . !
તનુ વેડ્સ મનુંમાં , મને એક પાત્ર જે સૌથી વધુ ચુંબકીય લાગ્યું હતું . . . તે હતું , કંગના રાણાવતની મિત્રનો રોલ કરતી ” સ્વરા ભાસ્કર ” 🙂 . . તે પછી તેની કોઈ એવી ફિલ્મ રીલીઝ નથી થઇ , પણ હમણાં જ ફેબ્રુઆરીમાં તેની ફિલ્મ આવી પણ ગઈ અને ઉતરી પણ ગઈ ❗ . . . અને એ પણ , ફારુક શેખ અને દીપ્તિ નવલનાં લીડ રોલ્સની સાથે સ્વરા ભાસ્કરનો પણ લીડ રોલ હોય તેવી મુવી ! . . . ” લિસન અમાયા ” . . . તો પહેલી વાર , ફિલ્મ રીલીઝ થઇ ગઈ હોય અને ઉતરી પણ ગઈ હોય ત્યારબાદ , તેનું ટ્રેઇલર 😉 હાં , હવે પછી ” સોનમ કપૂર “ની ” રાંજણા “માં તેનો રોલ છે . . . તો , ત્યારની વાત ત્યારે 🙂
મોટાભાગે તો હું , એડઝ નથી આપતો . . અહી , લટકામાં 🙂 . . પણ , આ બંને એડ્ઝ એકદમ ધૂનતાનાના છે . . . એક નાની નાની જવાબદારીઓ અને સમજદારીની મસ્ત વાત કહે છે અને બીજી હવા સંગ વાળની પ્રીત વર્ણવે છે 😀 . . તો , જુઓ અને જુઆડો [ મતલબ કે ; દેખાડો 😉 ]
vishal jethava said:
લખેલી ફિલ્મો માથી એક પણ ફિલ્મ નથી જોઈ…છતાં આ પોસ્ટ પૂરી થઈ એવું લાગ્યું કે અમુક ફિલ્મો જોવી પડશે. 🙂
LikeLike
નિરવની નજરે . . ! said:
એ વાત સાચી કે અહી વર્ણવેલ મહતમ ફિલ્મો . . . ચુલબુલી , સહજ અને સુપાચ્ય 😉 છે . . . માટે જોવી તો રહી જ 🙂
અને મુખ્ય વાત, ઘણા દિવસે દેખાયા ❗
LikeLike
yuvrajjadeja said:
આ વખતે મારા ગમતા પિકચરો તમે વધારે લીધા છે , અને એને બરાબર જસ્ટીફાઈડ પણ કર્યા છે , જાઓ , ફુલ્લ માર્કસ 🙂
LikeLike
નિરવની નજરે . . ! said:
આ રજત / સૌરભની ટોળકી એમ મુકે એવી નથી 😉 . . . એમના સામાન્ય મુવીઝ આવી અસામાન્ય મઝા કરાવતા જ રહેશે . . . અને હાં , ફૂલ માર્ક્સ આપીને આગલા વર્ષમાં ચડાવવા બદલ આભાર 😀
LikeLike
mdgandhi21, U.S.A. said:
મને જોકે તમારા અમુક રીવ્યુ સમજમાં ન આવ્યાં, પણ લખવાની રીત સારી છે……..
LikeLike
નિરવની નજરે . . ! said:
કઈ બાબત , ગાંધી સર ? . . . કૃપયા જણાવશો . . હું જરૂર પ્રયત્ન કરીશ 🙂
LikeLiked by 1 person
kavadhiren said:
મોજ પડી ગઈ હો………..
LikeLike
નિરવની નજરે . . ! said:
કદાચ , સ્વામી બ્રહ્મવેદાંતનું જ એક કથન છે . . .
મોજ કરો , રોજેરોજ કરો . . નહિતર ખોજ કરો 🙂
આભાર દોસ્ત 🙂
LikeLike
Chirag said:
સન ઓફ સરદાર કરતા એનો આ રીવ્યુ વધારે ફની છે. બેસ્ટ ક્રીએટીવ ફની લાઇન : “સંજય દતથી” ભરેલી જીપ !! અમુક ફિલ્મ ના રીવ્યુ એટલા સરસ હોય છે કે તે ફિલ્મ કેટલી બકવાસ બની છે એ જોવા માટે પણ ફિલ્મ જોવાની ઈચ્છા થઇ જાય. જો કે મને સન ઓફ સરદાર કરતા ખિલાડી 786 વધારે ગમી.
LikeLike
નિરવની નજરે . . ! said:
Silly – મુર્ખ , ફિલ્મોની એક મજા એ હોય છે કે ; તે તમને થોડી વાર આ બુદ્ધિશાળી દુનિયાથી પીછો છોડાવી દયે છે અને તમને ઇઝી ફિલ કરાવે છે 😉 . . . પણ ,હાં તેની ટેવ ન પડી જાય , એટલી બુદ્ધિ તો આપણે સંઘરવી જ રહી 🙂 . . .
અને સાચી વાત છે , કે ખિલાડી 786માં તો ઘડીક મારા આંટા ઢીલા કરી દીધા હતા 😀 . . . બહતરસિંહ કી રફતાર ❗
LikeLike
Prashant Goda said:
ખુબ જ સરસ
અને તાવમાં ચરબીવાળી વાત કઈ હજમ ન થઇ 😉
LikeLike
નિરવની નજરે . . ! said:
કારણકે દોસ્ત , તાવ આવે ત્યારે શરીરમાંથી સૌથી પહેલી લડત આપણી ચરબી આપે છે અને ક્યારેક જીવલેણ તાવ સામે ઠીક ઠીક ટક્કર ઝીલી દયે છે . . માટે , થઈને સોનાક્ષી ” ટક્કર ” આપનારી 😉
LikeLike
Prashant Goda said:
સન ઓફ સરદારમાં માત્ર એક ગીત “રાની મેં તો …………” ગમ્યું અને થોડા funny scenes
(જેમકે નાળીયેર પાણી) અને BIKE ચલાવતી સોનાક્ષી .
INKAR થોડું જોયું છે
LikeLike
નિરવની નજરે . . ! said:
હાં ,” રાની તું મેં રાજા ” ઘડીક તો સારો એવો ટેમ્પો જમાવી દ્યે છે 🙂 , અને બાઈક ચલાવતી , સોનાક્ષીની GIF મારે મુકવી હતી . . પણ પછી નાં મૂકી !
LikeLike
Prashant Goda said:
Dabaang thodi dagabaz nikli yar sivay “Tere naina bade daba baz ” song siyai
sari picture
LikeLike
monomorpher said:
Son of Sardaar, Dabangg 2 — ૯૦ ટકા ભારતવાસીઓ આવી જ ફિલ્મો જોવા માંગે છે. આવી ફિલ્મો ના જુઓ અને રીવ્યુ ના લખો તો જ સારું.
Straight, I Am 24, Raghu Romeo, 10ml LOVE — આ બધા પ્રયત્નો જ કદાચ ભારતના બાકીના ૧૦ ટકા લોકો નો વિશ્વાસ બોલીવુડમાં ટકાવી રાખે છે. તેમનો સમાવેશ કરી પોસ્ટની ગુણવત્તા વધારવા માટે અભિનંદન!
નીતાજી-પિતાજી વાળું સારું હતું!
LikeLike
નિરવની નજરે . . ! said:
એવું નથી , પ્રદ્યુમનભાઈ . . . સન ઓફ સરદાર અને દબંગ જેવી ફિલ્મો માત્ર ને માત્ર , ટાઈમપાસ માટે જ હોય છે . . . હું તેમને ક્યારેય ગંભીર સિનેમાની કક્ષામાં ગણાતો જ નથી 🙂 . . . . છેલ્લા ઘણા સમયથી તો મેં બોલીવુડ ફિલ્મોના આવા જ ઉતરતા ફાલને કારણે . . થીયેટરમાં જવાનું બંધ કરી દીધું છે ! . . . પણ , હોમ-રીલીઝના સમયે હું તે ફિલ્મોને ઘરે જોઇને ચકાસવાનું બંધ નથી કરતો . . . અને , અહી તેમના રિવ્યુઝ માત્ર હળવી મજા માટે જ આપું છું . . . કે , જેથી પૂરી પોસ્ટ હસતા રમતા પસાર થઇ જાય 😉 . . . હા , મેં તેમને ક્યારેય ગંભીર અને સારા પોઈન્ટસ આપ્યા જ નથી અને હું તેમની ભલામણ પણ નથી કરતો . . . કારણકે , જેમ જય વસાવડા સરે ; કહ્યું હતું તેમ અસલી સિનેમા તે છે કે જે જયારે થીયેટરમાં પૂરી થાય છે અને ત્યારબાદ તમારામાં મનોમંથન સ્વરૂપે શરુ થાય છે . . . કે જે તમને સિનેમાની સજ્જડ અને મૌન તાકાતનો પરિચય કરાવી ભાવવિશ્વમાં વહેતા મૂકી દે છે 🙂 . . .
હાં , હજી એવો સમય આવવાનો બાકી છે કે જયારે માત્રને માત્ર સારી ગુણવત્તા વાળી ” સ્ક્રીપ્ટ ” જ ભારતમાં ફિલ્મજગતનો રાજા હશે 🙂 . . . અને એવું લાગે પણ છે કે નાની તો નાની કક્ષાએ પણ તેની શરૂઆત થઇ ચુકી છે . . માટે દેર આયે પર દુરુસ્ત આયે . . . ઔર હોકે તંદુરુસ્ત આયે 🙂
LikeLike
monomorpher said:
વાંક ખરેખર મારા short tempered મગજનો છે 🙂 જે આવી ફિલ્મોની સફળતા નો સ્વીકાર કરવા રાજી નથી. બાકી પો પો પો પો આજે સવારે જ ટીવી ઉપર ભટકાઈ ગયું હતું અને આપના બ્લોગની યાદ અપાવી ગયું 🙂
LikeLike
નિરવની નજરે . . ! said:
સાચી વાત છે , પ્રદ્યુમ્નભાઈ . . . લોકોને ખ્યાલ જ હોય છે કે ફલાણા મૂવીઝમાં કઈ કરતા કઈ નહિ હોય . . . એજ આઈટમ સોંગ્સ . . એજ બોગસ ફાઈટસ [ મેટ્રીક્સની વાત અલગ છે , કારણકે તેમાં તેને લગતું કારણ કઈક અલગ હતું અને તેની થીમ પણ તે સબબ હતી ] . . . એજ સુપરસ્ટારડમ-વેડા અને એકબીજાની ફિલ્મોમાં ગેસ્ટ અપીયરન્સ કરતા રહેવાનું 😉 . . . અને છતાં પણ તહેવારોના દિવસોમાં એય ને આંખે પટ્ટીઓ બાંધીને પુરા પરિવાર સહીત મલ્ટીપ્લેક્ષમાં ધાડા નાંખવા ❗ . . . કદાચ આ , સિનારિયો હજુ આવતા દસેક વર્ષ તો નહી જ બદલાય [ ભલેને પછી બાજુમાં નાના બજેટની અર્થસભર ફિલ્મો આવતી રહેતી . . તોપણ પ્રજા નોટોની વર્ષા તો અહીંયા ડેવિડ ધવન છાપ ફિલ્મો પર જ કરશે !!! ] . . . એમાં કોઈ નાં નથી , કે આવી ટાઈમપાસ ફિલ્મો તમે જુઓ For silly FUN 😉 . . પણ , ઘરે અને તે પણ ટીવી પર [ ટીવી પર પણ , બે ત્રણ મહિનામાં આવી જ જતી હોય છે 🙂 ]
ચાલો પો પો પો , ક્યાંક તો કામ લાગ્યું 😉
LikeLike